Me crereva che feneva lu munno
e invece tutto è cumm’a prima,
nun è cangiato nienti.
Pareva ca m’ero ‘mbriacato
cu lu vino spillato ra la votte
quanno verevo ch’ogni cosa
girava a la smersa, senza sienzo,
e nun teneva ni capo ni cora.
Veramente lu munno è a capo sotta?
«None, che stai ricenne»
Toh, ma allora nun è lu vero?
Nun ‘nge pozzo crere!
Ma allora vasi e abbrazzi erene
fauzi, e tutte le parole ievene
a lu viento, nu le dicivi a me.
Me so sbagliato n’ata vota?
E allora è meglio che me ‘mbriaco.
Po’ esse’ ca m’addormo e sonn’a te!
